Paghimong state college sa TCC gitun-an
CEBU, Philippines - Matud ni Kong. Gerald Anthony “Samsam” Gullas Jr., Assistant Majority Floor Leader, nga ang technical working group (TWG) sa Committee on Technical and Higher Education sa Kongreso naghisgut na kabahin sa pagkahimong state college sa TCC.
Si Gullas nagkanayon nga dunay mga kuwang nga rekisitos ang TCC ug nagkinahanglan kini og amendatory bill.
Gikataho nga ang TCC wala makatuman sa ubang rekisitos subay sa Akta Republika 10594 kon “the law converting the local college into a state college.”
Usa sa kuwang sa TCC mao ang level 3 accreditation sa uban nilang programs.
Base sa balaud, ang TCC nagkinahanglan og level 3 accreditation sa upat ka undergraduate programs sa Liberal Arts, usa sa Sciences ug duha sa ilang graduate program.
Matud ni Gullas nga i-amendar niya ang Akta Republika 10594 ilabi na ang provision nga ang college kinahanglan og level 3 accreditation sa ilang mga programs.
Sumala pa ni Gullas nga kung mahimo na’ng state college ang TCC, ang kagamhanan sa dakbayan dili na mogahin og budget tungod kay ang nasudnong gobiyerno na ang moabaga sa mga gastohanan sama sa suweldo sa mga kawani ug sa operasyon niini. (BANAT NEWS)
- Latest
