Niplete og fake sa taxi gidakop

CEBU, Philippines - Gidakop sa kapolisan ang usa ka 23-anyos nga lalaki human miplete og mini nga P1,000 sa taxi nga gisakyan sa dakbayan sa Mandaue.

Ang gidakop mao si Mark Jordan Bernal, taga Ymbong Compound, Humay-Humay,  Gun-ob, dakbayan sa Lapu-Lapu.

Matud ni PO1 Johndel Senerpida sa Presinto 1 sa Mandaue City Police Office (MCPO) nga ang taxi drayber nga nagdumili pagpaila miingon nga nagduda siya sa tibuok P1,000 nga giplete ni Bernal.

Didto sa presinto sumala pa ni Senerpida nakuha nila ang dugang tulo pa ka tag P500 nga pulos gihapon mini.

Samtang usa ka Cheila Mae Bentulan, 23, taga Basak, dakbayan sa Lapu-Lapu  ang mitaho usab sa maong presinto labot sa pagkadawat og mini nga tibuok P500 niadtong Domingo sa hapon.

Giasoy ni Bentulan nga misakay siya og taxi gikan sa dakbayan sa Lapu-Lapu paingon sa Park Mall sa North Reclamation Area sa dakbayan sa Mandaue ug ang drayber nga  iyang giluwanan nga iyang gipletehan og P1,000 maoy gisukli kaniya ang fake nga P500. Si Bentulan miingon nga ang cashier na sa Watso

n’s Section sa Park Mall ang nakadiskubre  nga  fake ang P500 nga iyang nadawat sa pagbayad na unta niini sa beauty product nga iyang gipalit. (BANAT NEWS)