Mga istruktura gipaguba sa Kapitolyo

CEBU, Philippines - Gipaguba ang mga bag-ong istruktura nga gipangtukod sa luna nga gipanag-iya sa Kapitolyo sa Sudlon, Lahug, dakbayan sa Sugbo kagahapon sa buntag.

Upat ka balay ang gipangguba sa grupo nga gipangulohan ni Capitol Security Chief Loy Madrigal.

Matud ni Madrigal gidili gyud ang pagtukod og mga bag-ong istraktura sa luna nga gipanag-iya sa probinsiya sa Sugbo hinungdan nga ilaha kining gipangguba.

Tuyo niini nga dili modaghan pa ang illegal settlers sa mga luna nga iya sa probinsiya.

Giklaro ni Madrigal nga wala na magkinahanglan og court order ang pagpaguba sa kabalayan tungod kay wala pa’y mga tawo nga nag-okupar. (BANAT NEWS)