Nagtanom lagutmon gipusil

CEBU, Philippines - Patay ang usa ka batan-ong mag-uuma human gipusil samtang nalingaw og tanum og lagutmon sa iyang uma sa lungsod sa Argao.

Giila ang biktima nga si Gibert Lopez, 22, ulitawo, taga Barangay Talaga samtang ang suspetsado nailhan nga si Raymond Carreon, 21, ulitawo, taga Barangay Apo, Argao.

Matud ni PO2 Renato Nacaytuna sa Argao Police Station naigo sa tiyan nga milapos sa likod nga bahin ang biktima human pusila duha ka higayun sa suspetsado. Ang kauban sa biktima nga Jun Daogdaog ang mikaratil sa pagdagan ug nangayo og tabang. (BANAT NEWS)