Lahugay sa ccpo gipatuman
CEBU, Philippines - Gisugdan na kagahapong adlawa ang paglahugay sa mga station commanders sa kapulisan sa dakbayan sa Sugbo, nunot na sa pagsaka sa kriminalidad ning nakalabay’ng mga bulan.
Gikompirma ni Superintendent Arnel Banzon ang Deputy City Director for Administration sa Cebu City Police Office nga naigo sa revamp ang Fuente Police Station ug ang Parian Police Station.
Si Senior Inspector David Señor ang gibalhin kini sa Police Station 9 (Guadalupe), samtang ang hepe sa maong buhatan nga si Chief Inspector Allan Rosario maoy gibutang sa Fuente Police Station. Wa pa hinuoy kamandoan ang kabahin sa Parian Police Station.
Matud pa ni Banzon ang maong revamp gitumong aron mapakita sa bag-ong hepe sa maong buhatan kung iya ba nga matagaan og solusyon ang mga krimen sa iyang lugar. Gipasabot sab ni Supt. Banzon nga ang kakuwang sa mga pulis sa mga police station ang permanente nga problema sa matag lugar, apan dili kini mahimo nga rason sa mga station commanders nga di masumpo ang krimen.
“Sa wala pa ko diri taas nang daan ang krimen, usa sa among gitagaan og pagtagad kanang mga krimen nga ma-involved ang mga dagko nga establisemento, wala ko’y problema ana nga order,†matud pa ni Sr. Insp. David Señor sa Banat News. (BANAT NEWS)
- Latest
