Barko ug pumpboat nagbangga, usa missing
CEBU, Philippines - Usa ka mangingisda ang padayon pa nga gipangita samtang naluwas ang duha niya ka kaubang mananagat human ang ilang pumboat nagkabangga ug ang barko nga paingon modunggo sa Barangay Pugalo, Alcoy aron mokarga og mahalong matang sa bato.
Ang gikataho nga “missing†mao si Christopher Aguitong, 32, minyo nga taga Barangay Consolacion, Dalaguete. Ang duha ka mananagat nga naluwas mao sila si Armando Edillon, 24, ug Tirso Belista, 26, nga nagpuyo gihapon sa Barangay Consolacion.
Nalunod ang gisakyan nila nga pumboat dihang nagkabangga kini sa M/V Sunroad Tyasuka nga magkarga og dolomite rocks sa minahan sa Alcoy kaniadtong Biyernes sa hapon.
Ang barko nga gidumala ni Captain Oguni Yetohiko padulong na unta nga modunggo sa pantalalan sa Dolomite Mining Corporation diha sa Barangay Pugalo dihang nahitabo ang aksidente.
Matud pa ni PO2 Howard Maynapas nga ang ilang imbestigador nga si PO3 Emilio Carungay padayon pa nga nag-imbestigar aron pagsuta kinsa ang posible nga sad-an sa hitabo. (/RUB)(BANAT NEWS)
- Latest
