Mga kawani patambongON sa EDSA anniversary
CEBU, Philippines - Bisan og kasaulogan karong adlawa sa EDSA People Power Revolution apan padayon ang trabaho sa mga buhatan sa kagamhanan ug pribado’ng mga opisina.
Apan kun ang tanang 5,000 ka kawani sa City Hall mosanong sa awhag ni Mayor Michael Rama, mahimong mingaw ang City Hall kay gusto sa mayor nga patambongon kadtong gusto moadto.
Ang mga kawani sa lalawigan mosayo sila pag-adto sa Kapitolyo ug magpundok atubangan sa gitukod nga bantawan ug magsul-ob sila og yellow nga T-shirts samtang magpaabot ni Presidente Aquino.
Si Presidente Aquino modiskurso sa pagsaulog sa EDSA People Power Revolution nga sa unang higayon anhi sa Sugbo ipahigayon.
Matud ni Mayor Rama nga dili niya ipaestrikto kun adunay malangay pag-abot sa tagsa-tagsa nila ka trabaho sa City Hall basta ang rason kay mitambong sila sa kalihukan sa EDSA.
Sa laing bahin, si Daanbantayan Mayor Agusto "Itok" Corro miingon nga walay pamolitika sa pagpanghatag og mga "housing units" ngadto sa mga biktima sa bagyong Yolanda didto sa iyang lungsod.
Matud ni Mayor Corro nga pasalamatan niya si Presidente Aquino nga apil ang Daanbantayan sa mahatagan og hinabang alang sa rehabilitasyon gikan sa nasudnong kagamhanan. (/RUB)(BANAT NEWS)
- Latest
