Trabahante naghikog sa sulod sa pansayan

CEBU, Philippines - Usa ka stonecraft factory worker ang naghikog sud sa usa ka pansayan sa ilang trabahoan sa sitio Gisi, barangay Agus, dakbayan sa Lapu-Lapu kagahapon.

Ang naghikog mao si Jefrey Lacdaying, lumad nga taga Leyte ug nagtrabaho sa stonecraft factory nga nahimutang sa maong dapit. Si PO2 Jerson Alparito sa homicide section sa kapolisan sa maong dakbayan nga nahinabi sa Banat News miingon nga natingala ang mga kauban ni Lacdaying nga dugay kining migawas sa pansayan.

Sa ilang pagsusi, nakugang sila nga nagbitay na kini ug ang liog dunay pisi nga gihikot sa ibabaw nga bahin sa kasilyas hinungdan nga dali nila kining gitangtang ug gihatod sa Lapu-Lapu City Hospital apan patay na. Si PO2 Alparito mibutyag  way nasayod sa mga kauban sa trabaho ni Lacdaying kung unsay hinungdan sa paghikog niini.  (BANAT NEWS)