Klase sa Carreta Elem. suspendido
CEBU, Philippines - Suspendido ang klase sa Carreta Elementary School tungod sa sunog sa miaging adlaw. Kini tungod kay halos tanang classroom gigamit man isip temporaryong kapuy-an sa mga biktima.
Sigun sa principal sa maong tulunghaan, Villaflor Lantica, nga may 135 ka mga pamilya nga gilangkoban sa 745 ka mga indibidwal ang kasamtangang nag-ukopa sa maong eskwelahan.
Matud pa ni Lantica nga wala una sila’y klase samtang anaa pa sa ilang tulunghaan ang mga bakwit.
Iyang gipanghinaot nga dili magdugay ang pag-estar sa maong mga biktima sa tulunghaan aron makapadayon na sila sa ilang klase. (BANAT NEWS)
- Latest