Puso gipagamyan kay mahal ang humay

CEBU, Philippines - Gipagamyan na karon ang puso sa dakbayan sa Mandaue  gumikan  sa kamahal  na sa presyo sa  bugas humay.

Si Estrellita Ramas, 54, nga usa sa namuhat og puso  nga nahinabi sa Banat News miingon nga napugos sila sa pagpagamay sa  ilang puso tungod sa  maong  hinungdan.

Matud pa ni Estrellita nga nagpangita sila sa labing barato nga  bugas, apan anaa  man  pero  lagum kaayo.

Ang  puti  nga  bugas  anaa  sa  tag P52 ang  matag  kilo  ug  mao  kini  ang  ilang  himoong  puso.

Si Lucy Rosales nga maoy tigpamaba sa National Food Authority (NFA) nga nahinabi sa Banat News miingon nga tag P27 lang  gihapon ang matag kilo sa ilang bugas.

Gidasonan kini  ni NFA Deputy Administrator Ludovico Jarena kinsa  mitataw  nga wala’y gitugotan sa pagpausbaw sa presyo   sa bugas sa  NFA dinhi sa nasud. (BANAT NEWS)