^

2 tulisan napakyas apan nakaangol

Romeo Limpangog (The Philippine Star) - August 21, 2013 - 12:00am

CEBU, Philippines - Duha ka armadong lalaki nga misulay unta sa pagpanulis sa Henry Lhuillier Pawnshop sa barangay Sabang sa dakbayan sa Danao ang namusil og barangay tanod ug dalagita ang nadakpan sa kapolisan sa nahitabong ginukdanay alas 10 pasado ang takna kagahapon sa buntag.

Ang nadakpan mao sila sila si Marcelino Quimbo, 30, nga usa ka traysikad drayber ug Oliver Porlas, 24, pulos nagpuyo sa barangay Cogon, lungsod sa Compostela.

Samtang nalandig sa tambalanan sila si Benjie Dacula, barangay tanod sa maong dapit ug Pia Mares Plarisan, 16- anyos nga tinun-an sa high school nga naigo sa iyang tuong tiil sa saag nga bala. Si SPO2 Ildefonso Prosia sa Danao City Police Station nga nahinabi sa Banat News miingon nga nakabantay si Dacula sa mga suspek nga dunay nagbagal sa ilang mga hawak ug kadudahan kaayo ang lihok samtang padung mosulod sa maong pawnshop.

Giingong gisitar ni Dacula ang duha apan kalit siyang gipusil sa usa diha sa iyang pantog. Naatol usab nga diha ang tinun-an nga si  Plarisan ug naigo usab sa saag nga bala.

Ang duha misuway unta og dagan apan daling nakapangayo og backup ang police outpost diha sa duol hinungdan nga daling naalirongan ang lugar diin moluklok ang mga suspek.

Tungod sa kadaghan sa mga polis nga miresponde way nahimo ang mga tulisan gawas lang sa pagtahan ngadto sa grupo nila Supt. Elmer Lim lakip na ang ilang mga armas nga kalibre 45 ug kalibre 357 nga pulos may sud nga bala. (BANAT NEWS)

BANAT NEWS BENJIE DACULA DACULA DANAO CITY POLICE STATION ELMER LIM HENRY LHUILLIER PAWNSHOP ILDEFONSO PROSIA MARCELINO QUIMBO OLIVER PORLAS
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with