Cong. Cutie may perfect attendance sa kongreso

CEBU, Philippines - Ang mopahuway na  nga Cebu City North District Representative Rachel Marguerite “Cutie” Del Mar usa sa 21 ka mga magbabalaod nga adunay “perfect attendance” sa bag-uhay lang natapos nga 15th Congress.

Base sa attendance record nga gi-upload sa website sa House of Representatives website, 21 lang ang mitambong sa 168 kay session days sa Congress sukad sa miaging Hulyo 26, 2010 hangtod sa Hunyo 6, 2013.

Sa 21 ka  magbabalaod, walo lang ang "actually present" sa 168 session days.  Usa si Del Mar sa walo,  ug kauban  usab  si  House Speaker Feliciano Belmonte Jr. sa Quezon City.

Ang mikompleto sa walo mao sila si Dato Arroyo (Camarines Sur), Leopoldo Bataoil (Pangasinan), Edcel Lagman (Albay), Salvio Fortuno (Camarines Sur), Roilo Golez (Parañaque) ug David Kho (Masbate).

 Ang nahabilin nga 13 ka mga mambabalaud gituohan nga mitambong  sa  sesyon  subay  sa House rules.

Sila  mao  si  Giorgidi Aggabao (Isabela), Emmeline Aglipay (Diwa party list), Bolet Banal (Quezon City), Winston Castelo (Quezon City), Neptali Gonzales II (Mandaluyong City), Bernadette Herrera-Dy (Bagong Henerasyon party list), Florencio-Noel (An Waray party list), Reena Concepcio-Obillo (Una Ang Pamilya party list), Angelo Palmones (AGHAM party list), Roberto Puno (Antipolo City), Miro Quimbo (Marikina City), Rene Relampagos (Bohol) ug si Rufus Rodriguez (Cagayan de Oro City).

Samtang si Filipino boxing icon ug Saranggani Representative Manny Pacquiao mitabla ni Negros Occidental Representative Jules Ledesma IV isip top absentee sa lower chamber kinsa nakatambong lamang og 108 session days.

Hinuon  si Pacquiao "actually present" og 98 kay session days ug gidudahang presenti sa napulo ka adlaw samtang si Ledesma mitambong og 100 ka session days ug gidudahang presenti sa walo ka session days.

Matud pa sa attendance report, nga  may  25 ka  palta  nga  walay pahibawo si Ledesma.

Sa laing bahin, duha ka mga Arroyo ang nahilakip usab  sa top absentees sa Lower House.

Sila  mao   ang kanhi presidente ug karun Pampanga Rep. Gloria Macapagal-Arroyo nga mitambong lamang og 111 session days samtang ang iyang anak, Ang Galing party-list Representative Juan Miguel Arroyo mitambong lamang og 112 session days.

Sukad   sa miaging Oktubre 2012, ang kanhi presidente gipaubos sa hospital arrest sa kasong plunder tungod sa  giingong di maayong  paggamit   sa  P366 milyones   nga  intelligence funds sa Philippine Charity Sweepstakes Office (PCSO). (BANAT NEWS)