Samsam manumpa kang speaker Belmonte karong adlawa
CEBU, Philippines - Gikatakdang manumpa si First District congressman-elect Gerald Anthony “Samsam†Gullas isip miyembro sa umaabot nga 16th Congress diha kang Speaker Feliciano “Sonny†Belmonte Jr. karong adlawa.
Si Samsam maoy mopuli sa iyang apohang si Rep. Eduardo “Eddiegul†Gullas karong Hunyo 30, si Eddiegul maoy mihangyo kang Speaker Belmonte nga sa iyaha papanumpaon si Samsam.
"We saw that it is fitting that he will administer my oath," matud pang Samsam kinsa midaog pinaagi sa 112,925 botos nga walay kaatbang.
Matud pa ni Samsam iyang prayoridad karon mao ang pagtukod sa National High School sa Barangay Campo 4 sa Talisay City.
Matud niya mao kini ang iyang unang nadunggang hangyo sa mga taga Campo 4 atol sa kampanya.
Nagtuo si Samsam nga pinaagi sa mao unyang eskuylahan daghan pang mga tinun-an ang makahigayon nga makatungha ug dili kinahanglang molakaw og layo padung sa barangay Jaclupan. (/EIM) (BANAT NEWS)
- Latest
