Batang lalaki gilugos sa hubog
CEBU, Philippines - Usa ka 5 anyos nga batang lalaki gilugos sa usa ka mag-uuma didto sa Sitio Cogon 2, Barangay Lutac, Syudad sa Naga alas 8 sa gabii kagahapon. Ang bata ginganlan lang og “Dodongâ€(di tinuod niyang ngalan), 5, molupyo sa Deca Homes, Minglanilla, kinsa kasamtangang nagbakasyon sa iyang mga paryenti sa Naga.
Matud ni PO2 Cristina Ricaña sa Womens and Children Protection Desk sa Naga Police Station, personal nga miasoy ang inahan sa biktima ngadto sa ilang buhatan kalabot sa maong pagpanglugos.
Usa ka mag-uuma, nga taga Tagoloan, Misamis Oriental, Mindanao maoy gitumbok nga suspek sa maong krimen.
Sa dihang nahinabi sa Banat News ang suspek, siya miangkon sa maong panghitabo ug tungod lang hubog siya niadtong higayona kay mitambong siya og kumbira sa uyoan sa bata kinsa nagsaulog sa adlaw’ng natawhan niini.
Dugang sa suspek nga wala hinganli ning balita nga mikuyog kaniya ang bata kay gusto niini nga manguha og sinigwelas didto sa ilang bakuran og didto nakatug siya. Pagmata niya iyang namatikdan nga diha pa gihapon ang bata sa iyang kiliran ug dayon gilugos niya kini.
Ang suspek misulti nga magsige ra sila’g kuyog-kuyog sa maong bata ug niadto rang higayona nayawaan siya ug iya kining nahilabtan.
Natanggong na karon sa prisohan sa Naga Police Station ang suspek ug nakatakdang pasakaan og kaso sa mga ginikanan sa bata. (BANAT NEWS)
- Latest
