BOPK wa mobutho sa forum
CEBU, Philippines - Gisaway sa Team Rama ang ilang kaatbang, Bando Osmeña Pundok Kauswagan-Liberal Party (BOPK-LP) sa wala pagtambong sa Candidates’ Fora 2013 kagahapon.
Hinoon wala usab makatambong ang ilang kandidato sa pagka-kongresista sa amihanang distrito, Anabelle Rama, sa United Nationalist Alliance (UNA) apan ang mga independenting kandidato sa pagka-kongresista sa distrito ang nanambong.
“The very men who claim to be liberals all together declined to participate in a forum such as this,†matud pang ni Atty. Aristotle Batuhan sa Team Rama, kandidato sa pagka-kongresista sa habagatang distrito.
Si Mayor Michael Rama mao lang ang kandidato nga nipakita sa iyang mga plano pinaagi sa power point presentation atol sa forum.
Gipakita ni Rama kung unsaon niya pagpadayon ang kalamboan sa dakbayan sa Sugbo subay sa iyang adbokasiya nga, “Barangayan, Bayanihan, Bolunterismo.â€
Matud pa usab ni konsehal Edgardo Labella, kandidato sa pagkabise-mayor ubos sa Team Rama nga usa ka moral nga obligasyon ang pagtambong sa maong kalihukan.
Mismo ang kandidato sa pagka-gobernador, Kong. Pablo John “PJ†Garcia, sa One Cebu nga kaalyado usab sa UNA, nisaway usab sa wala pagtambong sa forum.
Matud pa ni Garcia nga dugay na siyang nangandoy sa usa ka debate tali sa iyang kaatbang nga si Hilario Davide III sa LP apan nagdumili kini sa pagsanong sa iyang hagit.
Sila si Davide ug kaubanan sa LP nitambong na sa kalihukan una sa gikatakda unta kagahapon. (BANAT NEWS)
- Latest
