Eddiegul mohangyo ROTC ibalik
CEBU, Philippines - Si Kongresista Eduardo Gullas sa unang distrito sa probinsiya mohangyo sa iyang apo nga si Gerald Anthony “Samsam†Gullas nga mopalabang og balaudnon sa pagpabalik sa Reserve Officer Training Corps (ROTC) kung molingkod na kini isip kongresista.
Gibutyag ni Gullas kagahapon nga usa sa hangyo unya niya ngadto kang Samsam mao ang pagpabalik sa ROTC.
Si Samsam ang sigurado na kining mapuli sa iyang apohan isip kongresista sa unang distrito sa probinsiya tungod kay wala kini kaatbang nga kandidato.
“How do we honor the veterans?...those living heroes and those who past to the great beyond who gave up their lives that we mean to live in freedom?...I respectfully propose, one: to revive the ROTC, I will suggest the Congressman to be Samsam Gullas, he is among 17 Congressional candidates all over the country without an opponent, I will suggest to him one of the first bill that he will file the ROTC Billâ€.
Gipasabot ni Gullas nga ang mga tinun-an makakat-on og mga disiplina diha sa ROTC ug maandam sila isip mga reservist nga modepensa sa nasud.
Ang maong tumong sa Kongresista isip pagyukbo kini sa mga beterano sa World War II kinsa mibuhis sa ilang mga dugo alang sa kagawasan sa tanan.
Dugang niini si Gullas mipahinumdum kini kabahin sa kanunay’ng pag-ampo sa tanang buhaton.
“Way gahom nga makabuntog sa gahom sa pag-ampoâ€, ni Gullas pa. (/WC) (BANAT NEWS)
- Latest
