Koreanong giakusahang mituok patay sa partner gikasohan na
CEBU, Philippines - Pormal na nga gipasakaan og kasong “murder†ang Koreanong gitumbok nga mipatay sa iyang business partner sulod sa usa ka hotel sa Brgy. Basak dakbayan sa Lapulapu sa milabay’ng Sabado sa gabii.
Matud pa ni Lapulapu City Police Office Director P/SSupt. Rey Lyndon Lawas nga bisan kun anaa pa sa tambalanan si Hyun Chul Whang. Matud pa ni SSupt. Lawas nga base sa autopsy report nga ilang nadawat ,ang biktima nga si Whenvy Jean Noel namatay gumikan sa mga bun-og sa lawas ug pagtuok sa liog niini.
Lakip sa nakita sa autopsy mao ang paghubag sa kinatawo ug wala na masuta kung unsay gipaslak niini kay negatibo man sa semilya sa usa ka lalaki. Busa wala ma-establisar ang katahap nga gilugos ang biktima.
Gipakita usab sa mga sakop sa Homicide section ang CCTV footage gikan sa San Francisco Hotel niadtong Peb. 8 sa gabii diin wala makita nga gipugos si Noel pagsulod sa lawak sa maong hotel. Lakip sa ebidensiya nga gisumiter sa kapolisan mao ang mga text message sa cell phone ni Noel diin nagkasabot ang duha nga magkita sa usa ka restaurant sa wala pa kini mosulod sa hotel.
Samtang kagahapon sa udto ang kaluha ni Noel nga si Whenvy Lyn Noel miklaro sa mga tigbalita nga dili uyab si Hyun ug ang iyang kaluha nga si Whenvy Jean kundili “business partner†lamang sila.
Matud pa ni Whenvy Lyn nga ang iyang kaluha nga biktima ug si Hyun adunay negosyo nga tukoron nga mao unta ang usa ka cell phone shop.
Misugot na ang Koreano nga si Whenvy Jean maoy modumala niini ug ang tanang papeles giandam na alang sa paglusad nila sa maong negosyo. Ang pamilyang Noel nanghinaut sa hustisya nga maangkon niini sa nahitabo ni Whenvy Jean.
Samtang hangtod ning pagsuwat sa balita nagpabilin pa gihapon sa kritikal nga kondisyon si Hyun sulod sa usa ka tambalanan sa dakbayan sa Sugbo. (BANAT NEWS)
- Latest
