Mag-uuma nagpasalba sa armas priso

CEBU, Philippines - Kaso batok sa Comelec gun ban  ang  atubangon  sa usa  ka  mag-uuma  kinsa  gisikop  sa kapolisan  gumikan  kay nagpasalba  sa  iyang  armas  didto  sa barangay  Kalubihan, lungsod  sa Barili  niadtong  Lunes sa gabii.

Ang suspek mao si Urban Opsimar, hingkod, minyo,  nga nagpuyo sa maong lugar ug usa ka mag-uuma kansang .38 kalibre  nga  revolver nga walay  lisensya  gisakmit  sa kapolisan.

Si PO1 Jotemar Tejano sa Barili Police Station mibutyag  sa Banat News nga  nasikop  nila si Tejano  human  moreklamo  ang  mga silingan  niini kinsa  nahadlok nga pusilon  sa suspek  kay  hubog  kuno  kini  nga  nanghagis  sa  iyang  pamilya  unya  nagpasalba sa iyang  armas  busa  gisikop  dayon  sa team  sa kapolisan  nga  gipangulohan  ni SPO3 Elmer Opsima.

Ang suspek   gibalhug dayon  sa karsel  ug nagpaabot  sa kasong  paglapas  sa Comelec  gun  ban nga   ipasaka  batok kaniya. (BANAT NEWS)