Escudero saludo sa mga Sugboanon
CEBU, Philippines - Saludo si Senador Francis Joseph “Chiz†Escudero sa mga Sugboanon labot sa malinawon nga pagtagad sa isyu sa Kapitolyo nga may kalabotan sa pagsuspenso kang gob. Gwendolyn Garcia.
Si Escudero kinsa dinhi sa Sugbo kagahapon alang sa pribadong kalihukan nagkanayon nga sa ubang lugar nga may susamang kaso, kagubot ang nahitabo ug aduna pa’y mamatay.
“Dito, I have to take my hats off sa mga Cebuanos, sang-ayon ka man o hindi sa mga nangyayari, pabor ka man kay Governor Gwen o kay acting Governor Magpale, hindi dumarating sa punto na nagsasakitan kayo dito,†matud pa ni Escudero.
Matud pa ni Escudero nga daw sa blessing in disguise nga nagkaduol na ang eleksiyon karong Mayo 13 aron ang katawhan na ang mohukom kalabot sa maong isyu.
Iyang giseguro nga bag-o na ang gobernador sa lalawigan sa Sugbo karong Hunyo 30 ug ang mga Sugbuanon maoy mohukom ug dili ang mga politiko ug dili usab mga tawo gikan sa kaulohan.
Ang termino ni Garcia matapos na karong Hunyo 30 hinungdan nga mopapili kini isip kongresista sa ikatulong distrito sa lalawigan sa Sugbo nga karon girepresentahan sa iyang igsoon nga si Kong. Pablo John Garcia.
Si Pablo John ubos sa One Cebu Party makigsakbang ni Hilario Davide III ubos sa Liberal Party kinsa napilde na ni Gob. Garcia niadtong 2010 nga piniliay.
Matud pa ni Escudero nga human sa Mayo 13 nga eleksiyon, molugdang ra ang isyu karon sa Kapitolyo.
Gipasirad-an ni acting Gov. Agnes Magpale ang buhatan ni Garcia human sa pagbiya niini niadtong Martes sa gabii ug misuroy sa kalungsoran.
Matud pa ni Escudero nga wala hinoo’y balaud nga nagdili o kaha nagtugot kang Magpale sa pagpasirado sa buhatan gawas kung ang korte na ang momando.
“Nobody can say it’s legal or illegal until the court say so,†matud pang Escudero.
Nanghinaut si Escudero nga walay pagkabalda sa operasyon sa Kapitolyo ingon man sa paghatud sa mga batakang serbisyo.
“I hope cooler heads will always prevail, reason and rationality will always prevail too between the two leaders of the province,†dugang ni Escudero. (BANAT NEWS)
- Latest