Armas gitipon sa mga household effects sakmit
CEBU, Philippines - Gisakmit sa Customs Police ang usa ka armas nga ilang napalgan sulod sa usa ka container van sa Cebu International Port atol sa ilang paghiling sa maong kargamento.
Matud pa ni Cebu Customs Police District Commander Maj. Camilo “Bong†Casculan nga usa ka container van gikan sa Estados Unidos miabot niadtong Enero 15, 2013 sa puwerto sa Sugbo nga gideklarar nga mga “Used Household Effects†nga gipanag-iya ni Zack Ziegler.
Gumikan kay kadudahan ang maong kargamento gisuta kini sa Customs Police pinaagi sa ilang naandan nga inspection sa kargamento.
Sa maong pag-inspection ni SA1 Andie Catre ug SA1 Jeffrey Alindogan uban nila ni COO3 Gil Macatangay ug COO5 Elmer Bailio usa ka kahon nga gimarkahan og “used clothing†nahilngan nila sa sulod niini ang usa ka Jennings Firearm 22 caliber.
Matud pa ni Maj. Casculan nga ang maong lakang maoy kabahin sa ilang kampanya sa paghipos sa mga armas nga wala’y lisensiya nga gipalusot dinhi sa nasud.
Ang maong kampanya labing gipahugtan karon sa taga Customs ilabi na sa gipatumang higpit nga COMELEC gun ban sa tibuok nasud. Gumikan niini si Cebu Customs District Collector Atty. Ronnie Silvestre miluwat dayon og Warrant of Seizure and Detention (WSD) sa maong armas nga anaa karon gikustodiya sa mga sakop sa Customs Police. (BANAT NEWS)
- Latest
