Seloso natigbasansa silingan

CEBU, Philippines - Tungod sa selos usa ka mag-uuma ang natigbasan sa silingan sa usa ka birthday party diha sa sityo Tap-ong, barangay Basyaw sa lungsod sa Badian niadtong Huwebes sa alas 8:00 sa gabii.

Ang biktima mao si Antonio Paracuelles,46, nagpuyo sa maong lugar nga nakaangkon og daghang samad tinigbasan sa iyang lawas human gitigbas sa silingang si Joel Abagat, 32.

Matud ni PO2 William Beltran sa Badian Police dihang nahinabi sa Banat News  diha sa birthday ang asawa sa biktima apan nakit-an niya kining sikit kaayo sa lingkuranan ang bayaw sa suspek nga ginganlan og Joel Costanilla.

Tungod niini gikatahong misaka ang suspek sa balay ni Abagat ug gikomprontase si Costanilla ug nagkasinumbagay diha sa gawas. Dihang gibadlong ang biktima giingong mibunot kini og wala matinong kalibre sa armas ug mipasalba.

Ang suspek nakiglayog sa biktima apan gilupig kini maong midagan nalang kini sa balay ug mikuha og pinote ug gibalikan ang biktima ug gitigbas-tigbas ang kalawasan.

Ang biktima daling gidala sa tambalanan samtang ang suspek nadakpan sa  hot pursuit operation sa kapolisan. (/EIM)  (BANAT NEWS)