Soco midonar og vulcanizing shop

CEBU, Philippines - Gatusan ka mga drayber  sa sikad- sikad sa lungsod sa Cordova ang makapahimus sa vulcanizing shop nga gidonar ni magpapatigayung Glenn Soco sa maong kahugpungan sa miaging adlaw.

Ang maong vulcanizing shop gihatag ni Soco  sa maong  mga drayber  aron may  kapatapakan  sila  sa ilang  ligid  sa panahon  nga  kini  mabuslot  ug  dili  mabara  ang  ilang  pamasahero  ilabi  na  sa panahon  sa kagabhion.

Ang presidente sa trisikad association sa barangay Bangbang, Cordova nga si Jimboy Sumagang maoy midawat sa mga kagamitan sa vulcanizing shop.

Giangkon  ni Sumagang nga dako kaayo nilang problema  ang pagpatapak  sa panahon  nga mahiyosan  og  ligid  ang  ilang  mga  biseklita  tungod  kay  wala  gyuy  vulcanizing  shop  sa maong  lugar.            

Nunot niini ilang gipasalamatan si Soco nga maoy nakatubag sa ilang panginahanglan nga dugay na nilang gipangandoy.

Si Soco sa iyang bahin mitataw atol sa pagpamulong niini nga igo lang siyang  mitubag sa hangyo sa mga  drayber  ug  misaad   nga  motabang  siya sa mga panginahanglan sa  mga  kabus kutob  sa iyang  mahimo.

Si Soco maoy  kandidato   sa pagka-bise   gobernador ubos sa Pwersa Ng Masa PMP party ni kanhi Presidente Joseph Estrada.

Hinuon wala  kini  mga  kandidato sa kongresista  ug  mga board member sa matag distrito sa Sugbo. (WC) (BANAT NEWS)