^

Gidagit nga bata gibilin sa Cathedral nabalik sa mama

- Ryan Christopher J. Sorote (The Philippine Star) - June 29, 2012 - 12:00am

CEBU, Philippines - Nakit-an na og balik ang kapin usa ka tuig nga batang giingong gi-kidnap diha sa usa ka mall sa downtown Cebu City .

Ang bata gibilin sa usa ka babaye nganha sa usa ka gwardiya sa Cebu Metropolitan Cathedral, sa barangay Santo Niño ning dakbayan kagahapon sa hapon.

Matud pa ni Barangay Santo Niño Kapitan Pancho Ramirez sa pakighinabi nga ang maong babaye namalihog sa gwardiya sa katedral nga ibilin ang bata kay mag-ampo siya diha sa sulod.

Apan nahibulong na lang ang gwardiya nga milanat na og pipila ka minutos apan wala gyud mobalik ang maong babaye.

Tungod niini iyang gidala sa buhatan sa administrador sa katedral ang bata ug gipahibalo ang barangay hall bahin niini.

Dihang nadala ang bata sa barangay hall d namay-ongan sa mga opisyales nga kaparehas og dagway niini ang gipublikar nga nawong sa bata nga gi-kidnap.

Tungod niini dali nilang gipahibalo ang Waterfront Police Station kinsa daling misusi   sa bata ug mitawag sa Investigation and Detective Management Branch sa Cebu City Police Office.

Kagahapon emosyonal ang subling panagkita sa batang si Jake ug inahan niini nga si Dianne Simbajon diha sa buhatan sa IDMB atubangan ni Chief Insp. Bonifacio Garciano.

Ang bata gidagit sa duha sa babaye niadtong Lunes human giilad ang iyaan niining si Gina Pareja nga maoy naggunit niini. (BANAT NEWS)

BARANGAY SANTO NI BATA BONIFACIO GARCIANO CEBU CITY CEBU CITY POLICE OFFICE CEBU METROPOLITAN CATHEDRAL CHIEF INSP DIANNE SIMBAJON GINA PAREJA
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with