Nangilkil sa VECO nadakpan
- Rey Pasaporte (The Philippine Star) - June 27, 2012 - 12:00am

CEBU, Philippines -  Nadakpan sa entrapment operation sa Criminal Investigation and Detection Group (CIDG)-7 ang usa ka lalaki nga gipasanginlang nangilkil sa management sa Visayan Electric Company (VECO)

Nahitabo ang entrapment sulod mismo sa maong kompaniya dihang ang grupo ni Chief Insp. Freddie Vaño maoy nangulo sa maong operasyon nga miresulta sa pagkasikop ni Rolando Lejarde, 51,taga Logarta St., sa barangay San Roque ning siyudad.

Si Sr. Supt. Jose Pante, hepe sa CIDG nga nahinabi sa mga tigbalita nagkanayon nga midangop kanila ang usa ka representante sa VECO ug nagpakitabang kay giingong dunay nangilkil kanila og P180 mil.

Base sa reklamo sa VECO gihulga sila nga molihok ang grupo sa suspek kung dili mohatag ang VECO sa ilang binuwang demand nga kwarta.

Ang CIDG padayon pang nagpakisusi kung tinuod nga may grupo ang suspek ug kun duna pay ubang kompanya nga nabiktima ni Lejarde.

Si Vaño sa pakighinabi sa Banat News nagkanayon nga nagsugod ang negosasyon sa suspek ngadto sa management sa VECO niadtong bulan sa Disyembre ug nangayo kini og kwarta. Kasong robbery extortion nga kalapasan sa article 294 sa Revised Penal Code (RPC) ang ilang ipasakang kaso batok kang Lejarde.

Ang suspek dihang gikuhaan og reaksyon sa mga tigbalita sulod sa detention cell sa CIDG nagkanayon nga walo na ka buwan ang ilang negosasyon sa management sa VECO apan iyang gihimakak nga nangilkil siya.

Gihimakak ni Lejarde nga gidawat niya ang kwarta sa entrapment ug gipasangil hinuon niyang giitsa kini ngadto kaniya maong namilit sa iyang bukton ang powder nga gibutang sa kwarta. (BANAT NEWS)

BANAT NEWS CHIEF INSP CRIMINAL INVESTIGATION AND DETECTION GROUP FREDDIE VA JOSE PANTE LEJARDE LOGARTA ST. REVISED PENAL CODE ROLANDO LEJARDE
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with