^

Banat Balita

Ang pagpasiga sa suga sa sakyanan

- Rene U. Borromeo - The Philippine Star

CEBU, Philippines - Daghang mga drayber, ilabi na kadtong mga nagmaneho og passenger jeepneys, tuyoon gyud nga dili magpasiga og suga panahon sa gabii.

Ang rason sa maong mga drayber nga makita man gihapon nila ang karsada bisan og walay suga ang ilang sakyanan.

Dakung sayop ang ilang gihimo og kalapasan na kini sa balaud nga gilatid sa Section 34 © sa Republic Act 4136 kon Transportation and Traffic Code, mao nga dakpon sila kun masakpan. Ang balaud nagkanayon nga matag sakyanan nga magdagan sa karsada angay nga adunay duha ka suga, walay labot sa motor nga usa ra ang gikinahanglan. Ang suga nga gipasabot mao kadtong makita bisan sa layo nga distansya 50 metros.

Kanang uban diha nga suga nga pwerte nang hinaya og hapit na mapunder, maisip na kana nga defective ug ang drayber sa sakyanan mahimo na nga dakpon ug multahan.

Kay ang pagmaneho og sakyanan nga dili magpasiga sa suga maisip man nga reckless driving, nagpasabot nga ang drayber mamultahan og P1,278.

Ang balaud nagkanayon nga mahimong ang tag-iya sa sakyanan makabutang og dugang suga, apan kinahanglang walay “red lights” nga makita sa atubangan nga bahin.

Ang suga pasigaon tunga sa oras gikan sa pagsawop sa adlaw. Apan daghang mga drayber ang nagtoo nga mokalas ang ilang gasolina ingon man dali ra kuno maguba ang ilang baterya kun pirmeng gamiton ang suga.

Daghan sa mga CITOM enforcers ang maghinan-aw lang sa mga sakyanan nga magdagan sa karsada nga dili magpasiga sa suga. Ang mga sakop sa Land Transportation Office (LTO) mao ray kusog manakop sa maong mga drayber. Ang City Ordinance 801 nga maoy sagad gipatuman sa mga traffic enforcers naglatid usab nga ang dili pagpasiga og suga sa sakyanan panahon sa gabii angayang dakpon ang drayber.

Nabantayan sa Banat Manobela nga ang ubang mga drayber sagad usab madakpan tungod sa kapakyas nila pagpasiga sa suga sa luyong bahin sa sakyanan. Ang rason niini kay ang sakyanan duha ka buok ang switch, usa sa headlight ug usa sa tail light.

Sayop kini nga pamaagi sa pag-wiring kay kinahanglan unta nga ini’g pasiga sa headlight, dungan nga mosiga ang suga sa luyo. Kay gibuwag-buwag man ang switch, daghang mga higayon nga makalimtan pagpasiga ang suga sa luyo.  (BANAT NEWS)

ANG CITY ORDINANCE

BANAT MANOBELA

DRAYBER

LAND TRANSPORTATION OFFICE

REPUBLIC ACT

SAKYANAN

SUGA

TRANSPORTATION AND TRAFFIC CODE

  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with