RH Bill di maaprobahan - Bullecer

CEBU, Philippines - Tataw kaayo nga di maaprobahan sa kongreso ang Reproductive Health (RH) Bill sumala pa ni Dr. Rene Josef Bullecer, ang national director sa Aids Free Philippines.

Si Bullecer kauban sa mga dagkong opisyal sa Catholic Bishop Conference of the Philippines (CBCP) nga manambong hapit sa tanang debate bahin sa RH Bill nga himoon sa mga magbabalaod sa nasud .

Unya nasuta nila nga lupig kaayo sa labok ang mga magbabalaod nga pabor sa RH Bill batok sa mga oposisyon ning maong balaodnon.

Usa sa nakita ni Bullecer nga hinungdan nganong may pipila ka mga magbabalaod nga mopabor sa maong balaodnon mao ang kuwartang isuborno kanila sa mga tag-iya sa mga pabrika sa condom ug mga pildoras ug uban pang kahimanan sa pagsanta sa sagunson nga pagpanganak sa mga kababayen-an. Gumikan sa maong aspeto, daghan sa mga magbabalaod ang wala makauyon sa maong paagi. (BANAT NEWS)