Higala gihapon

CEBU, Philippines - Bisan sa tensyon tali sa Pilipinas ug China sulod na sa duha ka bulan diha sa Panatag (Scarborough) Shoal gihulagway gihapon ni Bise Presidente Jejomar Binay nga tibuok pa gihapon ang panaghigalaay sa duha ka nasud. Si Binay namulong niini atol sa ika-37 anibersaryo sa "Filipino-Chinese Friendship Day." "No friendship shall ever be perfect. There will be tests and challenges, and our shared path has seen and will continue to encounter twists and turns," matud pa ni Binay. Kahinumdoman nga nagsugod ang tensyon tali sa Pilipinas ug China dihang gibabagan sa mga barko sa China ang mga barko sa Pilipinas nga moaresto sa mga ilegal nga mananagat nga intsik diha sa Panatag Shoal nga gipanag-iya sa Pilipinas apan giangkon sa China. Matud pang Binay mahilot pa ang kasungian pinaagi pagpalig-on sa paghigalaay. (BANAT NEWS)