^

Banat Balita

Mga scholar na-enrol na

- Ni Sanden J. Anadia/WC -

CEBU, Philippines - Gipahibalo kagahapon ni Konsehal Joey Daluz nga nakapa-enrol na ang mga scholar sa siyudad sa Sugbo nga nagtungha sa Cebu Technological University (CTU).

Ang Banat News nakadawat og report nga matud pa adunay mga scholar nga wala dayon ma-enrol niadtong Lunes kay giingong may mga kuwang pa sila sa bayranan sa eskuylahan sa milabay’ng tuig tingtungha. Matud pa ni Daluz nga nakaluwat na og tseke ang siyudad nga mokabat og P1 milyon hinungdan nga wala nay angay nga problemahon ang mga scholar. Suma pa sa konsehal nga nadelatar lang og diyutay ang pag-isyu sa tseke gumikan kay may pipila ka mga dokumento nga gihan-ay pa, apan nasulbad ra kini kagahapon . 

Si Daluz kinsa mao usab ang in-charge sa scholarship program sa siyudad miingon nga ginagmay ra nga problema ang ilang nasugatan apan gihatagan dayon nila kini og kasulbaran. Dugang pa sa konsehal nga usa sa ilang gipanid-an karon mao ang paagi sa paghikay sa billing aron dili malangan ang paggama og voucher.

Usa sa istelo karon sa local school board mao nga mohimo na sila og assessment ug inventory sa mga kasamtangang 4th year high school nga  mga nagtungha sa pampublikong tunghaan aron tulin na unya ang dagan sa paghan-ay sa   mga ngalan sa mga scholar nga mosulod sa kolehiyo sa sunod tuig .

Midugang si Daluz nga ila nang gihan-ay   karon ang master list sa mga scholar aron dili mausab ang nahitabo sa miaging buwan diin   ang ubang scholar mireklamo gumikan kay nawala ang ilang ngalan sa listahan. (BANAT NEWS)

ANG BANAT NEWS CEBU TECHNOLOGICAL UNIVERSITY DALUZ DUGANG GIPAHIBALO KONSEHAL JOEY DALUZ SI DALUZ
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with