^

Banat Balita

Bala di pa ikadonar sa kapolisan

- Ni Sanden J. Anadia/WC -

CEBU, Philippines - Dili pa mahimong idonar ngadto sa kapolisan ang mga bala nga nasakmit sa Bureau of Customs (BOC) sa miaging tuig.

Mao kini ang reaction sa chairman sa Police Coordinating and Advisory Council (PCAC) nga si Eugene Elizalde tungod kay wala pa matapos ang pag-imbistigar sa kaso labot sa pagpayuhot sa maong mga bala busa dili pa kini angayang tandugon.

Matud pa ni Elizalde nga kagahapon lang niya hisayri ang katarungan sa BOC sa ilang panagtagbo   uban sa mga opisyal sa maong ahensya nga maoy nagkupot karon sa maong mga bala.

Ang maong mga bala nasakmit sa BOC miaging tuig

Sayo niini mihangyo ang PCAC sa BOC   nga kung mahimo idonar kini ngadto sa Cebu City Police Office aron magamit sa ilang operasyon samtang magpatunhay sa kalinaw ug kahusay.

Midugang siya   nga mipadala na sila og suwat ngadto sa Department of Justice nga ipadali ang husay sa kaso kalabot sa maong mga bala    aron ikahatag dayon kini ngadto sa kapolisan.

Masaligon hinuon si Elizalde nga may positibong tubag ang local government nga maoy nangusog paghangyo sa DOJ.

Ang maong mga bala gisulod sa usa ka container van niadtong Nobiyembre sa miaging tuig hinungdan nga nasakmit kini sa BOC.

Nagkanayon si Elizalde nga dili angay matanggong og dugay ang maong mga bala sa bodega sa BOC ug angay kining adto sa armory sa kapolisan aron kini mabantayan ug maatiman kini pag-ayo sa mga polis nga maoy mogamit niini. BANAT NEWS

BALA CEBU CITY POLICE OFFICE DEPARTMENT OF JUSTICE ELIZALDE EUGENE ELIZALDE KINI MAONG
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with