Sa kasaysayan karon
CEBU, Philippines - 1583— Naestablisar ang Royal Audiencia, ang labing taas nga hudikatura dinhi sa Pilipinas ilawom sa pamunoan sa Espanya.
1260 – Nakalingkod isip emperador sa Mongol Empire si Kublai Khan kinsa usa sa nailang banggiitang manggugubat sa kasaysayan sa kalibotan ilabi na sa Asya.
1821 – Ang gikahadlokang Emperador nga si Napoleon Bonaparte namatay sa iyang lugar diin siya mi-exile sa isla sa Saint Helena sa South Atlantic Ocean.
1945 – World War II: Gimando ni Admiral Karl Dönitz ang usa sa nahibiling taas nga opisyal sa Nazi-Germany ang pagpahunong og opensiba sa tanang German U-boats sa kadagatan ug gipabalik kini sa ilang mga pantalan, kini dihang namatay ang ilang lider nga si Adolf Hitler.
1955 – Kapin 500,000 ka tawo sa Britanya ang gibakunahan og Salk polio vaccine. Kini human mamatay sa maong sakit ang full back sa popular nga rugby team sa Birmingham City nga si Jeff Hall. Tungod sa kahadlok sa mga tawo ug kadaghan sa nagpabakuna nahutdan og bakuna ang lokal nga tinugyanan sa panglawas.
1924 – Gidakop ug gipamatay ang 38 ka mga piratang nanghasi sa kadagatan sa Hong Kong.
2007– Ang kontrobersyal nga hotel heiress nga si Paris Hilton gisentensyahang mabilanggo og 45 ka adlaw tungod sa paglapas niini sa iyang probation dihang kini nagmaneho og sakyanan nga wala’y lisensya.
1945 – Usa ka Japanese balloon bomb ang miulbo sa Mitchell Recreation Area sa Gearhart Mountain sa Oregon nga mikalas sa mabdos nga kapikas sa usa ka ministro lakip na ang lima niini ka anak. Mao ra kini ang natalang dunay nakalas sa pag-atake sa Japan sa mismong teritoryo sa Estados Unidos gikan sa pagsugod sa Ikaduhang Kalibutanong Gubat. (BANAT NEWS)
- Latest
- Trending
