Gipusil sa way igong hinungdan

CEBU, Philippines - Usa ka lalaki gipusil angol sa wala hiilhing kriminal didto sa Zone 6, barangay Buaya, dakbayan sa Lapulapu sa miaging gabii.

Ang biktima mao si Fernando Lubas, 48, minyo, nga nagpuyo sa maong dapit, samtang ang suspetsado mao si Ricardo Dingding, 30, drayber sa PUJ.

Nasayran nga natulog ang biktima sa ilang balay ug dihang mibangon kini tungod kay nakabati siya og buto sa armas de fuego.

Sa dihang nanaog siya kay nagsusi kinsay nagpabuto, giluthang kini sa suspetsado sa wala’y igong hinungdan.

Samaron ang dughan sa biktima ug gidala dayon kini sa iyang kabanay ngadto sa Lapulapu City Hospital apan gibalhin ngadto sa Vicente Sotto Memorial Medical Center sa dakbayan sa Sugbo.

Gipangita karon sa kapolisan ang suspetsado human kini mosibat. - BANAT NEWS