Mga politiko sa Mandaue mag-usa

CEBU, Philippines - Ang coalition sa tanang partido politikanhon sa dakbayan sa Mandaue malagmit sagupon sa mga politiko sa election sa 2013 agi og katumanan ang tinguha ni Mayor Jonas Cortes nga maghiusa sila alang sa kalamboan sa dakbayan.

Si Mayor Cortes nga nahinabi sa Banat News miingon nga gusto gyud niyang maghiusa ang dagkong pamilya sa Mandaue alang sa kaayohan sa dakbayan.

Busa gawas kanila ni Konsehal Lollipop Ouano Dizon ug Konsehal Editha Cabahug nga unang mitipon sa Liberal Party (LP) gilauman pa ni Mayor Cortes nga daghan pa ang mosunod niini.

Si Cortes miingon nga bisan si 6th District Congressman Luigi Quisumbing adunay dakong posiblidad nga ikauban usab sa ilang partido sa piniliay sa 2013.

Gidasonan ni Bise Mayor Glenn Bercede ang maong tinguha aron labing molig-on ang pagpadagan sa dakbayan sa Mandaue.

Nunot niini si Board Member Thadeo Ouano usab mipadayag nga alang kaniya walay laing makahatag og sihag nga kaugmaron sa Mandaue gawas sa panaghiusa. - (BANAT NEWS)