Mag-uuma gipaulana'g bala

CEBU, Philippines - Talandugon ang kahimtang nga milandig sa tambalanan ang usa ka mag-uuma sa barangay Pamotan ning dakbayan human kini pusila samtang nagtikad sa iyang umahan alas-3 sa miaging hapon. Si Deodoro Briones,55, uban sa iyang asawang si Joan dihang gipaulanan og bala sa wala makitang mamumuno. Ang biktima nakaangkon og samad sa tuong abaga, tuong dughan, tuong paa ug ubos sa tiyan ug nalandig sa Cebu City Medical Center. “Walay nakakita kinsa ang suspek, tulo ka nadungog nga buto, nangayo og tabang iyang bana,” sumala pang SPO1 Ruth Violango nga nahinabi sa Banat News. Ang kapolisan padayon pa sa ilang imbestigasyon sa nahitabo. - BANAT NEWS