P1M nga hinabang ihatag sa Lapu' sa Negros Or.
CEBU, Philippines - Mokabat sa usa ka milyon ka pesos ang gigahin sa kagamhanang lokal sa dakbayan sa Lapulapu alang sa donasyon ngadto sa mga biktima sa linog sa lalawigan sa Negros Oriental.
Si Lapulapu City Mayor Paz Radaza atol sa panagtigom sa mga sakop sa City Disaster Risk Reduction Management Council (CDRRMC) mibutyag nga nagkasabot sila nga mogahin sa maong salapi alang sa mga biktima.
Base sa balaod sa RA 1121 gihatagan og pagtugot ang usa ka lokal nga kagamhanan sa paghatag og financial assistance sa usa ka government unit nga gipaubos sa state of calamity.
Itugyan unya nila sa lokal nga buhatan sa Department of Social Welfare and Development sa Negros Oriental ang maong kwarta.
Niadtong milabay’ng adlaw, ang lalawigan sa Sugbu mihatud sa ilang hinabang pinangulohan ni Gov. Gwendolyn Garcia nga naglakip sa cash nga P12 milyones ug relief goods nga balor P4 milyones. (BANATNEWS)
- Latest
- Trending
