Hepe, 3 sakop gireklamo
- Darrel Carumba () - February 11, 2012 - 12:00am

CEBU, Philippines - Gipasakaan og kasong arbitrary detention ang hepe sa kapulisan sa lungsod sa Moalboal uban sa tulo ka mga sakop niini tungod sa pasangil nga ilegal nga pagbalhog sa tulo ka mga lalaki niadtong milabay’ng bulan diha sa ilang karsel.

Ang nag-atubang og kaso diha sa National Police Commission (NAPOLCOM) mao si Insp. Rogelio Amoroso ug tulo niya ka mga sakop nga sila si PO2 Rommel Gako, PO2 Benedicto Rubia ug PO1 Eric Bongbong.

Ang retiradong sakop sa 7th Military Intelligence Group sa Intelligence Service of the Armed Forces of the Philippines nga si Romeo Ejercito, taga Poblacion lungsod sa Badian maoy misang-at sa maong reklamo niadtong petsa 2 niining bulana sa alas 4:40 sa hapon uban sa iyang duha ka mga saksi nga sila si Nestor Cordora ug Marife Gargar nga pulos taga lungsod sa Moalboal.

 Ang NAPOLCOM mitakda na sa preliminary investigation sa reklamo karung petsa 16 niining bulana.Subay sa reklamo ni Ejercito gipasanginlan niini ang hepe sa kapulisan ug tulo ka mga sakop nga illegal nga midakop kaniya ug mibalhog niya sa karsel sulod sa usa ka gabii apil na sa duha niya ka mga saksi.

Napatik sa reklamo nga nagsugod ang maong insidenti dihang nitawag niya ug nangayo og tabang si Chito Tapales taga barangay Basdiot, Moalboal niadtong unang semana sa miaging bulan.

Sumala pa si Tapales nagpatabang kang Ejercito tungod sa giingong pagkulata sa Australyano nga si Scott Andrew Parsons sa iyang pag-umangkon nga si Gargar nga kapuyo sa maong langyaw atol sa ilang personal nga panagbangi.

Tungod sa maong hitabo mikuha sila og abogado nga si Atty. Rolando Veloso ug mikuha usab sila og barangay protection order (BPO) ug gipasakaan og kasong Anti-Violence Against Women and Children ang maong langyaw nga si Parsons.

Apan dihang gi-serve na ang BPO ngadto sa langyaw nasuko kini ug nangayo og tabang ngadto kang Insp. Amoroso nga giingong amigo niini ug gipasanginlan si Gargar nga mikawat sa iyang digital camera ug ubang dokumento.

Giingong tungod sa maong pasangil gipadakop sa hepe sa kapolisan sa iyang mga sakop si Ejercito ug ang manag-uyoang si Gargar ug si Cordora ug gidala sa buhatan ug didto ilang naabtan ang langyaw.

Matud pa sa mga reklamante sa mga polis, didto sa sulod sa presinto gikasab-an sila og maayo sa langyaw ug gitulisok pa nga nagkanayon: “You theft, robber, swindler, you people, you Filipinos are corrupt including politicians like governor, senator, congressman, judge, prosecutor, mayors and government. Only fools tell the truth,” sumala pa sa mga reklamante.

Tungod niini ilang gipahimangnoan ang maong langyaw nga magmatngon sa mga pamahayag ug nagpaila siya nga agent sa ISAFP ug gipakitaan niya sa iyang Identification Number I.D. ug mission order sa iyang .38 kalibre nga armas. Matud niya diha anang higayuna nasuko si Amoroso ug gimanduan niini ang iyang mga sakop sa pagpabilanggo kanila ug gimandoan sila nga ipasibog ang kasong gipasaka ni Gargar batok sa langyaw.

Apan tungod kay wala sila mosugot niini gipasakaan siya og kasong Usurpation of Authority sa sala ni MTCC Judge Christine Mug-Abad pagka- petsa 3 sa Enero sa alas 10:55 sa buntag apan gibasura kini diha-diha ug nimando ang huwes nga pabuhian dayon sila nianang adlawa apan sila si Gargar lang ug Cordora nga wala kasohi ang gibuhian samtang siya pagka petsa 4 na sa alas 5:30 sa hapon gibuhian.

Gipasanginlan usab niya ang hepe nga mikuha sa iyang bag nga dunay sud nga P150 mil ug sa iyang .38 kalibre nga armas ug wala iuli human sa gipahigayung inspeksyon didto sa pinuy-anan sa inahan ni Gargar bisan og way search warrant.

Apan si Amoroso miinsister atol sa interbyu sa DyDD nga way basehanan ang maong reklamo ug andam niya kining tubagon ug atubangon.

Matud ni Amoroso panimawos ang gihimo ni Ejercito ngadto niya ug mga sakop human nila kini gidakop ug gipasakaan og kaso. Gihimakak sab ni Insp. Amoroso ang pamasangil nga gikuha niya ang bag niini nga dunay sulod nga P150 mil ug armas ug labaw na niyang gihimakak nga gipaboran niya ang langyaw. (EIM) (BANATNEWS)

APAN EJERCITO GARGAR IYANG LANGYAW MAONG NIYA SILA
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with