Dugang imbestigador gibansay
CEBU, Philippines - Usa ka special course training alang sa mga imbestigador sa nagkadaiyang police stations sa lalawigan sa Sugbo sa tuyo nga madugangan pa ang kaalam sa mga imbestigador.
“Our objective is to train investigators who lack necessary qualification and build up competent team of investigators,” matud pa ni Sr. Supt. Patrocinio Comendador ang direktor sa Cebu Provincial Police Office.
Pasabot usab ni Comendador nga bisan paman og anaa nay imbestigador sa matag presinto nagkulang pa sila og kahibalo labot sa ilang posisyon.
Tungod kay ang uban kanila nakat-on lang kabahin sa pangimbestigar pinaagi sa kasinatian ug dili pinaagi sa edukasyon.
“Naay mga investigators nga kulang sa information, na-designate lang sila by virtue of experience but by virtue of education kulang sila,” matud pang Comendador.
Adunay 57 ka mga imbestigador gikan sa nagkadaiyang police stations ang gipaubos sa maong 32 ka adlaw nga training.
Lakip sa ilang tun-an ang basic concept, development of skills, pamaagi unsaon pagkuha og affidavits sa suspetsado ug biktima, ug mga pamaagi sa hustong pagpanguha ug paghipos og ebidensya.
Ug labaw sa tanan matud pa ni Comendador nga kinahanglang husto ang ilang pamatasan nga usa sa labing nag-unang rekisitos aron ang usa ka polis mahimong imbestigador. (BANAT NEWS)
- Latest
- Trending
