^

Banat Balita

Motor vs bus babaye patay

Nila - Darrel Carumba, Rey Pasaporte -

CEBU, Philippines - Patay diha dayon ang tomboy ug nalandig sa tambalanan ang iyang kauban human ang ilang gisakyang motorsiklo napunggit sa Ceres bus diha sa crossing sa barangay Palanas sa lungsod sa Ronda sa miaging alas-3 sa hapon.

Si Teresita Isogan, 41, usa ka tomboy nga taga barangay Candabong sa lungsod sa Alcantara patay diha dayon human nakaangkon og grabeng bun-og sa iyang kalawasan ug ulo dihang naguyod pagkaigo sa Ceres bus nagtangag sa plakang GWY-493 body number 8917 nga gimaneho ni Danilo Basiga Solon, 48.

Samtang ang naangol ug gidali pagdala sa Badian District Hospital mao si Raquel Lastimoso taga barangay Tawig lungsod sa Alcantara.

Si PO1 Joselito De Aquino sa Ronda Police Station nga gikahinabi sa Banat News nagkanayon ang mga biktima nagsakay sa motorsiklong gimaneho ni Lastimoso.

Si Isogan mao gyud unta ang drayber sa motorsiklo apan sa walay igong hinungdan si Lastimoso maoy gipamaneho niini sa iyang motorsiklo.

Matud ni De Aquino nga gikan ang mga biktima sa barangay Libo-o Ronda ug kusog kaayo ang dagan ug pag-abot sa national highway kalit silang migawas sa crossing ug naatol sa paglabay sa bus hinungdan nga naigo ang mga biktima. Sumala pa ni De Aquino nalagpot si Lastimoso samtang naguyod ug nabangil si Isogan kuyog sa motorsiklo sa ilawom sa ligid sa bus.

Si Solon kinsa mitahan sa kapolisan miangkong dili kaayo kusog ang iyang dagan kay wala gani malatayi sa ligid si Isogan.  (BANATNEWS)

BADIAN DISTRICT HOSPITAL

BANAT NEWS

DANILO BASIGA SOLON

DE AQUINO

ISOGAN

JOSELITO DE AQUINO

LASTIMOSO

RAQUEL LASTIMOSO

RONDA

RONDA POLICE STATION

  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with