2 naghikog usa buhi
- Ni Romeo T. Limpangog () - December 13, 2011 - 12:00am

CEBU, Philippines -  Patay ang usa ka tawo nga gituohang naghikog pinaagi sa paghigot og wire sa iyang liog samtang usa ka 17-anyos nga gikatahong nag-unay og dunggab sa iyang kalawasan sa tuyo nga maghikog diha sa dakbayan sa Mandaue ug sa Lapulapu niadtong adlaw’ng Domingo.

Ang naghikog gamit ang wire giila ni PO2 Heraclio Gamboa sa Presinto 5 sa dakbayan sa Mandaue nga mao si Nestor Ardines, 46, kasamtangang nagpuyo sa Sector 6, Greenview Subdivision sa barangay Pagsabungan sa dakbayan sa Mandaue.

Nadiskubrehan ang patay’ng lawas niini alas-6 pasado na sayo sa buntag ug nasuta nga aduna kini gihambing balatian ug giingong nawad-an na og paglaom base sa nakuhang impormasyon sa kapolisan. Nasuta usab nga makadaghan nang higayong misulay sa paghikog si Ardines apan kanunay kining mabantayan ug mapakgang.

Samtang sa laing hitabo, nalandig sa tambalanan ang usa ka 17-anyos nga taga barangay Gun-ob sa dakbayan sa Lapulapu human kini mag-unay og dunggab sa iyang kalawasan sa tuyo nga maghikog tungod sa gihambing sakit.

Matud ni SPO1 Allan Pantaleon sa Homicide Section diha na magpuyo sa balay sa apohang babaye ang maong batan-on kinsa maoy nakakita sa iyang gibuhat ug mipakgang kaniya dayon gidala kini sa Lapulapu City Hospital.

Giingong adunay ‘nervous breakdown’ ang maong batan-on.  (BANATNEWS)

ALLAN PANTALEON ARDINES DOMINGO GREENVIEW SUBDIVISION HERACLIO GAMBOA HOMICIDE SECTION LAPULAPU CITY HOSPITAL MANDAUE NESTOR ARDINES
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with