Husay sa kaso ni Dumpit naoktaba
CEBU, Philippines - Gihulagway sa prosekusyon nga usa ka delaying tactic ang pagpunay’g pangayo og reset sa husay sa kasong murder batok sa kontrobersyal nga si SPO1 Adonis Dumpit.
Kini maoy nakita ni anti-graft investigator Alfred Yann Oguis nga mirepresentar sa prosekusyon nga naluoy silang Dumpit kinsa padayong nabilanggo.
“We feel pity on them, Dumpit was detained since February and the case remained stagnant,” matud pa ni Oguis.
Si Dumpit natanggong sa Cebu City Jail.
Ang abogado ni Dumpit nga si Atty. Benjamin Militar mihangyo kagahapon sa korte nga ma-defer ang cross-examination sa defense witness nga si Cebu City Police Office (CCPO) Deputy for Operations Paul Labra tungod kay aduna pa man silay pending appeal.
Matud pa ni Militar nga nangita pa sila og reversal sa ruling ni Judge Ester Veloso pinaagi sa pag-deny sa ilang motion for reconsideration for the inhibition.
Kahinumduman nga si Dumpit giakusahan sa pagpatay ni Ronron Go niadtong Disyembre 14, 2004 sa Barangay Villagonzalo II. (BANATNEWS)
- Latest
- Trending
