^

Mabuhi ka Sugbo

- Ni Marlon Bellita () - October 10, 2011 - 12:00am

CEBU, Philippines - Walay kabutangan alang nako ang dako kaayong pasalamat sa tubag sa mga Sugboanon sa duha ka adlaw nga DYAB ABS-CBN Kapamilya relief campaign sa adlaw nga Huwebes ug Biyernes sa miaging semana.

Sulod sa duha ka adlaw nakahipos og sobra sa duha ka milyon ka pesos ang kampanya alang sa mga biktima sa baha sa Luzon.

Kapin sa 1.2 milyones ang kwarta samtang sobra sa 900 mil ang kantidad sa mga ginamit nga sapot, delata, noodles ug ubang galamiton ang gihatod sa mga kapamilyang Sugboanon.

Wala pa nay labot sa nagpadayon pang mga kapamilya nga mihatod sa ilang donasyon sa ABS-CBN Regional Complex sa Jagobiao Mandaue City hangtod karon.

Sa ngalan sa among Visayas Cluster Head Tata Cinco Sy ug DYAB Station Manager Leo Lastimosa togoti nga motampo ko sa makausa pa sa pagpasalamat sa tanang miabag sa hiniusang tabang.

Dili na lang nako nganlan aron dili ko masayop basin unya og duna koy dili malakip nga makapakonsensya unya kanako.

Mao nay giingon "ang kalimot way buot".(Toink!) Hehehehehehehe

Dili man takos ang akong pasalamat sa tanan hinonoa masaligon ko nga sa atong tinguha sa pagtabang nga way bisan gamay nga lama sa pagpakaaron-ingnon dunay harianong gahum nga nahimoot sa imong kaayo.

Pero taymsa ra gud, dili kaha ta musunod sa Luzon?(Toink!/Aguy!)

Sa text sa akong tigpamaninawan sa akong progamang Rated R sa DYAB niadtong Sabado " Suloha Marlon pagbaha lang sa inyo ayaw lang mig iapil-apil"(Ayay!)

Dili na bag-o nato ang baha, gani ang uban siguro naanad na.

Apan niadtong miaging Biyernes alas 11:00 pasado sa gabii uban nako si Jun Perez ug ang akong co-host sa Barangay Idol Reloaded sa DYAB matag Domingo sa gabii nga si Star Lormil Montesclaros Cabrera de Gracia Eya Kenosis, gikan mi nga nag-taping sa samang programa nasinati namo ang lawom nga baha sa may Tipolo Siyudad sa Mandaue.

Bahaan man gyud nang dalana apan niadtong higayona maglisod na pagsugakod ang mga taxi sa paglabang.

Gani matud pa sa driver dihang mirebulosyon ang iyang sakyanan apan hinay gihapon mi nga nag-aginod " milutaw naman ta sir " (Toink!) 

Sa laktod wala gyud mi kalahos maayo gani kay nakamaniubra pa paghikling ang driver sa taxi sa usa ka gasoline station nga gisanapan na sab sa tubig.

Ang kalawom sa tubig mugna sa 3 na ka oras nga ulan, sa ato pa kung molabaw pa o kaha tibuok adlaw nga pag-ulan ang mahitabo posibleng ang gasolinahan nga among gihiklingan maanod na.(Aguy!)

Simbako layo ra ug tabukon pa gyud og pito ka lawod modason ko sa uban nga unta dili itugot ni Senyor Santo Niño ang mga ingong panghitabo.

Kay musogot ta og sa dili wala nay mayor, bise mayor o konsehal nga makahimog dinaliang kausaban sa atong drainage system nga makapugong sa maong posibilidad.

Kay ang atong mga drainage karon dili na angayang tawgon og tubig agianan, mas haom nang tawgon og tubig awasanan.(Toink!)

Buloy: Mayor ang baha mosubay na sa dalan.

Mayor Bitoy: Kita na lay mosabot Buloy kay may utok man ta ang baha wala man.... kung ang baha adto na sa dalan mosubay kita na lay moagi sa sapa.(Toink!/Agay!) Syalan! Hehehehehehehehehe!

Emailad: jomar_bellita@yahoo.com  - BANAT NEWS

AGUY BARANGAY IDOL RELOADED BIYERNES BULOY DILI GRACIA EYA KENOSIS TOINK
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with