Capitol gidayeg sa mga delegado sa EATOF

CEBU, Philippines - Ang tanang delegasyon nga mitambong sa 12th East Asia Tourism Inter Regional Toursim Forum (EATOF) nakadayeg pag-ayo sa pag-host sa lalawigan sa Sugbo sa nahisgutang kalihukan nga gipahigayon sa Cebu International Convention Center (CICC) sa siyudad sa Mandue nga gipangunahan ni Governor Gwendolyn Garcia.

Matud pa sa mga bisita nga ilang nabatyagan ang kainit sa pag-abi-abi sa mga Sugbuanon kanila pinaagi sa kagamhanan sa lalawigan sa Sugbo.

Ang mga mitambong sa maong international event mao ang gobernador sa probinsiya sa Gangwon, Korea nga si Gov. Moonson Choi; Tourism Deputy-Director General sa probinsiya sa Jilin China Tourism Administration Gao Fi; Vice-Chairman Vu Thi Thu Thuy sa probinsya sa Quang Ninh, Vietnam; Assistant Minister of Tourism and Heritage of Sarawak Province sa nasud sa Malaysia Datuk Hj. Talib Zulpilip; Deputy Governor Bun Tharith sa Siem Reap, Cambodia; Deputy Director-General Culture and Tourism Bureau of Totorri Perfecture sa nasud sa Japan nga si Reiji Kato; Gov. Enkhbat Tsedevdorj sa Tuv, Mongolia ug ang chairmanYogyakarta Tourism Authority nga si Tazbir sa nasud sa Indonesia.

Gipahigayon ang usa Travel mart diin nakita usab sa delegasyon ang Musical instrument and traditional nga Mongolian Dance sa probinsiya sa Tuv, Mongolia.

Laing gipasundayag sa maong tigom mao ang academic, Trade, tourism and Investment Forum, interactive Socialized business matching ug uban pa.

Ang gihisgotan sa tigum sa Standing Committee mao ang nag-unang mga proyekto nga magpalambo sa mga probinsiya nga membro sa EATOF sa natad sa turismo ug uban pa.

Ang mo-host nga nasud sa sunod tuig sa kasaulogan sa 13th EATOF mao ang probinsiya sa Sien Pre, nasud sa Columbia. (BANAT NEWS)