^

Bawod bawod Pesti-bal"

- Ni Marlon Bellita () - August 29, 2011 - 12:00am

CEBU, Philippines - Hastang alingisiha na gyud sa reklamo sa mga motorista ug mga molupyo sa Barangay Cansojong sa matag higayon nga moagi ko sa nagkataas ug nagkagrabi nga libaong sa dalan tungod sa panimalay ni kanhi Talisay City Councilor Aaron “ Ronie” Capala.

Mosanting na akong dunggan og pamati sa reklamo nga wala pa mahibaw-i kanus-a hingpit matubag sa kagamhanan sa Dakbayan sa Talisay.

Ops! Koreksiyon, duna na diay plano nga ayohon sa dili pa ang kapistahan sa dakbayan ang wala pa hibaw-i ayohon ba sa besperas sa pista o sa adlaw sa pista.(Toink!)

Reklamo numero 1:

Marlon kadugay ba sa budget para sa libaong sa Cansojong pero paspas man kaayo ang budget sa dugang trabaho sa bag-ong merkado?

Reklamo numero 2:

Nganong giunya-unya man ang pagtrabaho sa libaong Marlon huwat silang motaas para mas dako ang gasto?

Reklamo numero 3:

Marlon unsa may plano ni Mayor Soc ining libaong sa Cansojong ayohon o iampo lang sa Ginoo?(Aguy!/Toink!)

Niay pakapin dili na reklamo. Mapaubsanong sugyot ni sa usa ka driver sa tricycle nga nagkanayon.

“Ako pay mayor sa Siyudad patas-an pa naku ning libaong sa Cansojong unya e-promote dayon sa Suroy-suroy Sugbo, tawgon og Talisay City Bawod-bawod Pesti-bal”(Toink!/Peti!)

Hehehehehehehehe!

Matud sa tigpamaba sa Dakbayan sa Talisay Arturo Bas mipasalig ang buhatan ni Budget Officer Edgar Mabunay nga magahinan og pundo ang program of work sa maong problema sa dili pa ang kapistahan sa Siyudad.

Sa ato pa sa dili pa ang Oktubre 15 ning tuiga.

Mao nay giingon sa mga milaom “Don’t worry”, sa mga nagdali “Sorry”(Ayay!/Toink!)

Mangayo diay ko og pagsabot ni kanhi konsehal Capala nganong ang iyang balay maoy akong himoong mohon asa ang libaong sa Cansojong.

Wala mang guy laing mas sayon toltulon diha gawas sa imong panimalay konsehal kay opisyal ka man sa dugay nga panahon sa barangay ug siyudad.

Hinaot makatabang ka’g pahinumdom sa City Hall pagsiguro nga maatiman ang gubang dalan tungod sa inyo kay gawas nga magsimbolo ni sa kayaya sa serbisyo dako sad ning sagpa sa imong taas nga panahon sa pagpangalagad.

Duna na hinoon koy laing magamit mga landmark puhon kun ang libaong moabot na tungod sa ganghaan sa Archdiocesan Shrine of the Black Nazarene sa Cansojong nga gidumala ni Monsenyor Cris Garcia.

Kay sa akong tan-aw gamay na lay kuwang maabot na (Toink!), ang pikas tumoy paingon naglapas sa eskina sa Canton beach.

Ang pangutana sakto pa kaha tong budget sa program of work nga nitaas na man ang kutay sa gubaong dan?

Sa mga nagreklamo tabang mo’g ampo nga dunggon ni Mayor Soc ang inyong problema sama sa paspas nilang pag-atiman sa demanda sa mga misupak nga vendors sa Tabunok nga pabiling wala mahimoot sa lakang pagbalhin sa merkado.

(emailad:jomar_bellita@yahoo.com)

ARCHDIOCESAN SHRINE OF THE BLACK NAZARENE BARANGAY CANSOJONG BUDGET OFFICER EDGAR MABUNAY CANSOJONG CAPALA MARLON MAYOR SOC REKLAMO TOINK
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with