CEBU, Philippines - Gihugopan sa liboan ka mga Oponganons ug mga dumoduong ang unang Kadaugan Street Party (KSP) sa dakbayan sa Lapulapu sud sa duha ka gabii.
Matud pa ni Lapulapu City Tourism Committee Chairman Kon. Harry “Don” Radaza ug organizer sa KSP nga posibleng sa sunod tuig mamahimong tulo na ka adlaw ang selebrasyon sa KSP.
Nakita ni Radaza ang suporta sa mga Oponganons sa maong kasaulogan diin atol sa street party ang 20 ka mga contingents gikan sa mga kabarangayan ug pribadong kompaniya nag-indigay sa ilang mga rampada dances ug costume.
Nakadawat og P30 mil ang barangay Gun-ob sa unang ganti ug nakaangkon sa P30 mil samtang ang barangay Buaya mibulsa sa P20 mil nga premyo ug ikatulo ang barangay Looc nga may P10 mil nga ganti.
Samtang ang midaug sa Rampada Reyna Bulakna gikan sa Viva Imperial, Best Headdress nakuha sa Viva Imperial; Best Rampada, Most Colorful ug Best Costume nakuha sa barangay Gun-ob ug ang nakakuha sa Most Lively mao ang barangay Buaya.
Misantop sa hunahuna ni Radaza nga himuong tulo ka adlaw ang maong kasaulogan gumikan sa gipakitang pagsanong sa katawhan ug mga bisita lakip ang mga langyaw nga naghudyaka ug nalipay sa maong selebrasyon. (BANAT NEWS)