CEBU, Philippines - Pormal nang milingkod sa milabay’ng adlaw ang bag-ong collector sa Customs Port of Mactan nga mao si Atty. Paul Alcazaren nga kanhi Deputy Collector for Operation sa Cebu Customs District Office sa dakbayan sa Sugbu.
Si Alcazaren maoy mihulip ni OIC Collector Ester Nario human gidestino og laing buhatan sa aduana si kanhi Sub-Port of Mactan Collector Rene Benavides.
Matud pa ni Alcazaren dili na bag-o kaniya ang maong trabaho gumikan kay sa milabay’ng katuigan siya ang nahimong collector sa Customs sulod sa MEPZ/PEZA.
Nakuha ni Alcazaren ang maong plantilla niadtong milabay’ng Disyembre 16, 2010 apan gumikan kay wala pay kamanduan nga siya moasumer hinungdan nga sa milabay’ng Lunes pa kini pormal milingkod sa Sub-Port of Mactan.
Gipakigkitaan na niya ang mga division heads sa maong buhatan ug gihisgutan ang ilang mga plano sa pagkuha sa gitahas kanila nga target collection matag bulan. - BANAT NEWS