Na-hit and run sa jetski
- Romeo T. Limpangog ug Bong Soriano () - April 5, 2011 - 12:00am

CEBU, Philippines - Patay ang usa ka mananagat human kini maligsi og usa ka jetski diha sa sitio Dapdap sa barangay Mactan sa dakbayan sa Lapulapu sa milabay’ng hapon.

Ang biktima mao si Reymart Daitol Caniamo, 18, residente sa sitio Malingin sa barangay Punta Engaño dakbayan sa Lapulapu, usa ka mangingisda.

Maayong pagkabuslot sa ulo ni Caniamo nga nakaingon sa iyang hinanaling kamatayon samtang gisubay na sa kapolisan ang tanang adunay mga jetskis diha sa maong dapit.

Sa pasiunang imbestigasyon ni SPO2 Ernesto Francisco nasuta nga mga alas 11:30 sa milabay’ng udto samtang nanginhas si Caniamo uban sa iyang uyoan nga si Mario Caniamo.

Sumala pa nga misalom ang duha sa ilawom aron manguha og saang apan nahibulong si Mario nga wala na motunga ang pag-umangkon nga dungan man unta silang misalom.

Matud pa niini sa kapolisan nga dihang mitungha siya iyang nasigpatan ang usa ka jetski nga gimaneho sa usa ka wala mailhing lalaki ug may angkas nga usa ka babaye miagi diha sa ilang tungod.

Si Mario daling misakay og balik sa ilang sakayan ug nagbugsay balik sa baybayon ug gipahibalo ang mga ginikanan sa pag-umangkon. Ang mga kabanay sa biktima nagtinabangay pagsalom sa dagat aron kini pangitaon.

Alas 2:30 na sa hapon sa susamang adlaw dihang ilang napalgan si Caniamo nga adunay dakong buslot sa ulo.

Sa pagsubay ni SPO2 Francisco wala pa masayri kung kinsa ang responsable sa maong insedente.

Samtang pipila ka residente ang nakakita sa maong hitabo igo lamang mihulagway nga usa ka babaye ug lalaki ang luwan sa maong jetski.

Dili lang kini maoy unang higayon nga adunay naligsan sa jetski diha sa maong lugar hinungdan nga naglaraw ang kapolisan nga hangyuon ang konseho sa dakbayan nga i-regulate na ang pag-operate niini sa maong dakbayan. (EIM) - BANAT NEWS

CANIAMO DAPDAP DILI ERNESTO FRANCISCO MARIO CANIAMO PUNTA ENGA REYMART DAITOL CANIAMO SI MARIO USA
  • Latest
  • Trending
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with