Camotes nakapulos sa Suroy-Suroy sa Sugbo

CEBU, Philippines - Nabatyagan na sa mga opisyal sa mga lungsod sa isla sa Camotes ang resulta sa malampusong Suroy-suroy sa Sugbo ni Gobernador Gwendolyn Garcia.

Kini nunot sa nagtubo nga gidaghanon sa mga turista nga namisita sa Camotes Island.

Sumala ni Poro Councilor Ronald Carcellar ang National Executive Vice President sa Philippine Councilors League (PCL) nga dako kaayo og ikatabang sa pagpalambo sa ilang lungsod ang mga epektibong programa ni   Gobernador Garcia.

Matud pa ni Carcellar nga tungod sa Suroy-suroy Sugbo ni Gov. Garcia ang isla sa Camotes usa na sa inila nga Isla dinhi sa Sugbo ug sa nasud sa Pilipinas.

Dugang pa niya nga ang Suroy-suroy Sugbo ni Gov. Garcia ug ubang mga programa sa probinsya maoy dakong nakatampo sa pagpalambo sa turismo ug ekonomiya sa Isla sa Camotes.

Hinungdan nga si Carcellar mapasalamaton kaayo kang Garcia. (Chester Abadilla/WC)  (BANAT)