^

Banat Balita

2 motor nagsungag 1 tipi

-

CEBU, Philippines - Usa ang namatay ug laing duha usab ang grabeng naangol dihang kalit nga nagkasungag ang motorsiklo nga ilang giluwanan sa dalan National sa utlanan nga bahin sa barangay Yati ug barangay San Vicente, lungsod sa Liloan ala-una pasado ang takna sa miaging kaadlawon.

Ang namatay mao si Rodel Dayday Sipi, 29, ug naangol usab ang angkas niini nga si Annali Dungog Gilig, 28, molupyo sa barangay Tabla sa nahisgutang lungsod.

Si Joven Laag Pitogo nga maoy drayber sa gikasungag nga motorsiklo sa duha anaa usab sa talandugong kahimtang ug kasamtangan karong giatiman sa usa ka pribadong tambalanan sa dakbayan sa Sugbo.

Si SPO4 Claudio Castro Jr. sa kapolisan sa nahisgutang lungsod miingon nga pulos kusog nga nagdagan ang duha ka motorsiklo nga giluwanan sa mga biktima gikan usab sa managlahing lugar subay sa national highway.

Matud pa ni Castro nga sa ilang paghidangat sa utlanan nga bahin sa San Vicente ug barangay Yati sa nahisgutang lungsod kalit lang nga nagkasungag ang duha dihang miliko sa wala si Pitogo.

Tungod sa kakusog sa pagbangga ang duha ka motorsiklo misaliring ngadto sa daplin sa karsada nga maoy hinungdan sa pagkalagpot sa mga biktima.

Ang tulo ka mga biktima dali nga gikarga sa ambulansiya sa Liloan District Hospital ug gihatud ngadto sa Vicente Sotto Memorial Medical Center apan ang biktima nga si Sipi nga nakabaton og grabeng kadaut sa ulo ug uban pang bahin sa kalawasan ang gideklarar sa mga doktor nga dead on arrival.

Samtang si Pitogo human sa pasiunang pagtambal sa mga doktor sa VSMMC dali nga gibalhin sa iyang mga kabanay ngadto sa Chong Hua Hospital alang sa dugang pa nga pag-atiman sa iyang kalawasan.  - Romeo Limpangog ug Lesley Caminade-Vestil/EIM (BANAT NEWS)

ANNALI DUNGOG GILIG

CHONG HUA HOSPITAL

CLAUDIO CASTRO JR.

DAYDAY SIPI

LESLEY CAMINADE-VESTIL

LILOAN DISTRICT HOSPITAL

PITOGO

ROMEO LIMPANGOG

SAN VICENTE

  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with