^

Banat Balita

Gikan og disko gibirahan

- Ni Romeo Limpangog/EIM -

CEBU, Philippines - Patay ang usa ka batan-ong lalaki nga gipusil sa nagsakay og motorsiklo alas-3 pasado ang takna sa miaging kaadlawon sa sitio Cotcot, barangay Jubay, lungsod sa Liloan.

Ang biktima mao si Aaron Jacob Benabaye, 22, nagpuyo sa maong dapit ug ang nagpusil mao ang usa ka wala hiilhing lalaki nga gibanabanang 20-anyos kapin ang panuigon, 5’5” ang pamarog, kasarangan ang gidak-on sa panglawas, pution ang pamanit nga nagsul-ob og orange nga t-shirt ug namurol.

Si PO2 Ritchie Jugalbot sa kapolisan sa maong lungsod miingon nga gikan pa nga mitambong og disko ang biktima kuyog sa pipila niini ka mga silingang batan-on sa maong dapit nga naglakip sa 16- anyos nga maoy nakasaksi dihang nahitabo ang pagpamusil.

Matud pa ni Jugalbot nga base sa giasoy sa testigo mihapit pa ang biktima sa ilang panimalay ug mga kauban nga nanglingkod sa gawas sa ilang tugkaran ug dangtang pila ka gutlo miuna og pauli ang ilang mga kaubanan samtang silang duha nalang nahabilin ug nag-estoryahanay.

Sa paglabay sa pipila lamang ka gutlo usa ka motorsiklo nga may luwang duha ka tawo ang mihunong sa unahan ug nanaug ang back rider dayon miduol kanila ug walay daghang pasumangil gipusil ang biktima tulo ka higayon.

Human sa maong pagpusil ang mamumuno nagdali nga misakay og balik sa nagpaabot nga motorsiklo ug mipabulhot sa pagpadagan paingon sa barangay Poblacion sa nahisgutang lungsod.

Ang biktima kinsa naigo sa dughan ug duha ka paa dali nga gikarga sa traysikol ug gihatud sa Liloan District Hospital sa maong lungsod.

Dugang pa niya nga human sa pasiunang pagtambal dali kining gikarga sa ambulansiya ug gidala sa Vicente Sotto Memorial Medical Center sa dakbayan sa Sugbo apan gideklarar kini sa mga doktor nga dead on arrival.

Si Jugalbot miingon nga dili pa nila matataw ang hinungdan sa maong pagpamusil apan padayon ang ilang pakisusi alang sa pag-ila sa mamumuno sa biktima.  - BANAT NEWS

AARON JACOB BENABAYE

BIKTIMA

COTCOT

DUGANG

JUBAY

LILOAN DISTRICT HOSPITAL

RITCHIE JUGALBOT

SI JUGALBOT

VICENTE SOTTO MEMORIAL MEDICAL CENTER

  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with