Naglalis sa tong-its giluba namatay

CEBU, Philippines - Patay ang usa ka lalaki nga nadunggaban sa gikainom niyang silingan sa Purok Gabi sa barangay Gun-ob, dakbayan sa Lapulapu alas-8 pasado ang takna sa miaging gabii.

Ang biktima mao si Roy Cantapan Dag-uma, 42, samtang ang gipasanginlang midunggab kaniya mao si Armando Holmero, pulos molupyo sa maong dapit.

Si SPO2 Rolito Jumao-as sa Homicide Section sa Lapulapu Police Station miingon nga nag-inom ug nagdula og tong-it ang biktima ug suspetsado kauban sa ilang mga higala dihang mitumaw ang ilang panaglalis. Ang suspek nga adunay giluklok nga kutsilyo sa hawakan kalit nga miibot niini ug gidunggab ang dughan sa biktima ug human niini daling miikyas samtang ang biktima daling gidala sa Lapulapu District Hospital apan gideklarar kini sa mga doktor nga dead on arrival. (BANAT NEWS)