Polis nga modawat pinaskohan kasohan

CEBU, Philippines - Kapin nalang sa 30 ka adlaw sa dili pa saulogon ang diwa sa kapaskuhan apan ang pangulo sa kapulisan dinhi sa Central Visayas mipasidaan nang daan nga walay modawat og mga pinaskuhan nga ihatag gikan sa mga pribadong indibidwal o ba kaha mag solicit alang sa pagpahigayon og Christma party ang iyang ginsakupan.

Si Chief Supt. Ager Ontog mibahad ni bisan kinsa sa iyang mga sakop nga mag-atubang og kaso sa higayon iyang mahibaw-an nga dunay nangayo o mag-solicit gikan sa pribadong tawo nunot niining Pasko.

Nagkanayon si Ontog nga adunay party diha sa rehiyonal nga buhatan nga iyang himuon nga tambungan sa tibuok pamilya sa matag pulis dinhi sa rehiyon siyete.

Tungod niini si Sr. Supt. Erson Digal hepe sa kapulisan sa probinsya mipasidaan dayon sa iyang ginsakopan nga dili gyud modawat mangayo ug modawat og pinaskuhan ilabina kun kwarta.

Matud ni Digal nga kaniadto pa kini nga kamanduan sa PNP ug kun si kinsa ang makalapas niini adunay atubangon nga imbestigasyong administratiba.

Gidasig ni Digal ang publiko nga pakuhaan og video ang mga pulis nga mangayo og pinaskuhan aron dunay ebidensya sa pagpasaka og kaso ngadto sa Ombudsman. – BANAT NEWS